![](https://compostela.semente.gal/wp-content/uploads/2021/11/photo_2021-11-27_14-31-03-1024x710.jpg)
A nossa escola de primário
Umha escola na qual viver desfrutando o nosso idioma num ambiente facilitador e produtivo. Somos umha escola internacional homologada pola Conselharia e respaldada por NEASC; seguimos o currículo oficial com imaginaçom, flexibilidade e inovaçom. Umha escola onde nom precisamos livros de texto porque nom queremos que umha editora decida o que nos interessa aprender; nós adaptamo-nos à nossa realidade e procuramos as melhores propostas em cada momento. Umha escola com agrupamentos flexíveis e misturados em idade favorecendo as relaçons e difuminando as diferenças. Umha escola que trabalha por projetos confiando nas crianças para que procurem os seus próprios caminhos de aprendizagem e fomentando a sua autonomia. Umha escola transformadora onde toda a comunidade trabalha de maos dadas com a sociedade e onde a nossa prática educativa fomenta crianças críticas e conscientes. Umha escola em continuado contacto com a natureza para desfrute e para estudo direto. Umha escola assembleária onde todas as crianças som ouvidas e as opinions levadas em conta para construirmos umha realidade melhor. Umha escola feminista que entende que todas temos que trabalhar dia a dia para que o futuro seja lilás. Umha escola inclusiva que se adapta às necessidades de cada criança.
Umha escola que, dia a dia, demonstra que as cousas, também em educaçom, podem ser feitas doutro jeito!
![](https://compostela.semente.gal/wp-content/uploads/2023/03/photo_2023-02-09_14-45-04-768x1024-1.jpg)
![](https://compostela.semente.gal/wp-content/uploads/2023/03/Captura-de-ecra-de-semente2023_SP-edited-1024x1024.png)
![](https://compostela.semente.gal/wp-content/uploads/2023/04/photo_2023-02-09_14-45-16-1024x768-1-edited.jpg)
![](https://compostela.semente.gal/wp-content/uploads/2023/04/photo_2023-02-01_08-33-21-edited.jpg)
![](https://compostela.semente.gal/wp-content/uploads/2023/04/photo_2023-02-01_08-33-22-edited.jpg)
![](https://compostela.semente.gal/wp-content/uploads/2023/04/photo_2023-02-28_16-46-20-1024x768.jpg)