infantil

Umha escola que escuita a tua criança, que a acompanha e a motiva. Onde ela é o centro da aprendizagem, aprendendo para o nosso dia a dia desde o respeito e aceitaçom, desde a conversa e o encontro. Umha escola ativa e consciente de onde está, onde todas temos cabida fazendo parte dum bairro, dum povo, dum conjunto. Umha escola em que o conhecimento de nós mesmas é chave para nos podermos respeitar (a nós e às demais). Umha escola onde a autonomia pessoal é um piar para assim medrar em liberdade. Medrar em liberdade e na natureza,observando e trabalhando com o nosso meio, no quintal ou no monte, com os ríos ou as poças de lama. Umha escola onde a nossa língua, as nossas tradiçons, a nossa música… o nosso, estám no dia a dia das aulas enchendo de significado todas as aprendizagens.
Umha escola que nasceu para mudar cousas: a primeira delas, que as nossas crianças nom perdessem a sua língua ao entrarem na escola. Umha escola que é realmente umha comunidade educativa. Podes formar parte dela!