Os acampamentos da Semente estám orientados a todo o tipo de crianças e, como no resto de atividades promovidas pola Semente, é prioridade absoluta favorecer o uso da nossa língua entre elas e facilitar um espaço onde o galego, como língua veicular, seja a norma tanto no desenvolvimento das atividades como nas comunicaçons interpessoais.
Numha sociedade em que proliferam os preconceitos –raciais, culturais, lingüísticos- temos como objetivo agirmos como modelo de normalidade e normalizaçom lingüística, procurando a identificaçom do galego nom só com usos informais, mas com todos os ámbitos que pode ter qualquer língua do mundo: tecnologias, ciência, desenvolvimento cultural ou meio de relaçom social.
Fazemos 4 acampamentos por ano: acampamento de inverno (no mês de dezembro e janeiro), de entruido, de primavera e de verao.
Estám dirigidos a crianças de 3 a 12 anos em horário de manhá. O ponto de uniom dos acampamentos é a conservaçom, transmissom e aprendizagem da língua e cultura galegas. Para isso fazemos diversas actividades: recuperaçom de jogos tradicionais, roteiros culturais, animaçom à leitura, roteiros na natureza, expressom artística e musical, ritmos tradicionais, etc.
Próximo acampamento:
![](https://compostela.semente.gal/wp-content/uploads/2024/05/acampamento-verao-compostela-2024_page-0001-724x1024.jpg)
![](https://compostela.semente.gal/wp-content/uploads/2024/05/IMG_20240530_112753_627-725x1024.jpg)
![](https://compostela.semente.gal/wp-content/uploads/2023/04/218291988_4153252314759954_3007503291854270786_n.jpg)
![](https://compostela.semente.gal/wp-content/uploads/2023/04/293144678_5268611293224045_2137092692517417287_n-1024x473.jpg)
![](https://compostela.semente.gal/wp-content/uploads/2023/04/294331142_5268610863224088_507798877652649386_n-1024x768.jpg)
![](https://compostela.semente.gal/wp-content/uploads/2023/04/297749980_5346055602146280_8244917536908863384_n-768x1024.jpg)
![](https://compostela.semente.gal/wp-content/uploads/2023/04/322471544_850057366233146_2603392781721275832_n.jpg)
![](https://compostela.semente.gal/wp-content/uploads/2023/04/321904966_1133356200715673_7710662967656228645_n-575x1024.jpg)