As/os peques falamos da padaria que temos quase ao nosso pé, fam pam e nós conhecemos a semente de trigo com que se fai, moemo-la e com a farinha elaboramos a massa que a Marga levou para casa e no dia seguinte trouxo para degostar.
Também figemos umhas casas às quais punçamos as janelas, que haverá atrás de cada umha delas?
As/os grandes já sabiamos que esta sexta visitávamos Dinahosting, que som umhas vizinhas/os bem porreiros, e por isso fomo-nos preparando.
Figemos um ecran táctil com um saco de plástico e pintura, figemos de conta que eramos informáticas/os com teclados…
E a sexta chegou: fomos visitar Dinahosting e curtimos muito: há umha cheia de computadores, som todas bem simpáticas e até tenhem umha sala com bolas gigantes para descansarem as informáticas/os. Qué bem vivem! e ainda por riba dérom-nos umha caixa com agasalhos.
Obrigado vizinhas/os!!
Depois das ferias foi todo um pouco de transiçom e ainda ficam um par de cousinhas sem acabar do projeto do bairro.
As/os grandes quigemos fazer algumhas cousas com material de refugalho, pois a maioria nom vinheram ao acampamento e sentiam curiosidade. Figemos umhas serpes com tapons e um circuíto de bolas de desodorante roll-on com tubos de papel higiénico.
Também estamos a falar de Pirritx eta Porrotx e vimos no computador uns filmes da cançom de “Quero-te mais”
Pichelinho trouxo das férias umha caixa mágica que lhe deu a sua amiga “Parda”, que é umha ursa que vive nos Picos da Europa, onde se podem guardar beijos de todos os tipos (de bolboleta, de esquimó, de cuxa,,,) e quando os precisas para pôr-te contente ou desenfadar-te podes abrir a caixa e fai-se a magia.
