Esta semana passada conhecemos umha nova amiga na Semente: a doutora Peteiro! Apresentou-no-la Pihelinho, que nos dixo que era bióloga. Sabedes o que é isso? Umha pessoa que estuda as plantas, os animais… os seres vivos!
Veu pola Semente a recolher informaçom sobre o seu novo livro, e fijo-nos perguntas sobre a horta. Tivemos que estar mui atentas para respostá-las, e fazer alguns experimentos para resolver as dúvidas que tivemos, mas afinal conseguímo-lo, e a doutora levou um bom feixe de apontamentos.
O primeiro que perguntou foi polos componentes da terra. Olhamos as umhas para as outras estranhadas: A terra é terra!, nunca reparáramos em que tivesse diferentes compontentes. Mas ao botá-la na água todo mudou, há partes que aboiam e outras que vam para o fundo. Quem o diria! Tem areia, pedrinhas, restos de folhas e raminhas… a doutora Peteiro dixo-nos que a parte escura eram folhas que se iam descompondo com o tempo. E também encotramos algumha minhoca, mas isso já é outra história…
A terra, vaia surpresas nos dá. Sabíades que tem diferentes camadas e que no centro está ardendo? Foi a excusa perfeita para fazermos umha reproduçom em plasti que ficou bem chula.
A doutora Peteiro também nos contou porquê existem as estaçons e o dia e a noite. Podedes crer que a Terra nom está fixa senom bailando sobre si?! Como algum dia lhe dê por frear imos levar umha trompada! Algum de nós ainda nom o entendia mui bem, mas com umha lanterna e umhas bolas de pasta de papel vimo-lo claríssimo. Também figemos um foguete que se imulsa com a força do ar dumha garrafa para poder irmos por nós própias investigar. Os primeiros lançamentos fôrom satisfactórios, mas ainda temos que melhorar o prototipo.
As mais pequechas também experimentárom com milho inteiro na mesa de misturas e com milho moido num lenço preto e alguns tapetes que a Marga argalhou para nós.
Ai, a doutora Peteiro! A pobre nom se aclarava mui bem com os tipos de pássaros que moram polo Sarela. Menos mal que já levamos um ano aqui e temos visto de todo: paporruivos, lavandeiras, pombos e pombas, rulas, ferreirinhos, chascas… A doutora nom parava de tomar apontamentos! Bom, afinal há ficar um livro bem jeitoso. De nada, doutora Peteiro! E obrigadas por todo o que nos ensinaste!
O primeiro que perguntou foi polos componentes da terra. Olhamos as umhas para as outras estranhadas: A terra é terra!, nunca reparáramos em que tivesse diferentes compontentes. Mas ao botá-la na água todo mudou, há partes que aboiam e outras que vam para o fundo. Quem o diria! Tem areia, pedrinhas, restos de folhas e raminhas… a doutora Peteiro dixo-nos que a parte escura eram folhas que se iam descompondo com o tempo. E também encotramos algumha minhoca, mas isso já é outra história…
A terra, vaia surpresas nos dá. Sabíades que tem diferentes camadas e que no centro está ardendo? Foi a excusa perfeita para fazermos umha reproduçom em plasti que ficou bem chula.
A doutora Peteiro também nos contou porquê existem as estaçons e o dia e a noite. Podedes crer que a Terra nom está fixa senom bailando sobre si?! Como algum dia lhe dê por frear imos levar umha trompada! Algum de nós ainda nom o entendia mui bem, mas com umha lanterna e umhas bolas de pasta de papel vimo-lo claríssimo. Também figemos um foguete que se imulsa com a força do ar dumha garrafa para poder irmos por nós própias investigar. Os primeiros lançamentos fôrom satisfactórios, mas ainda temos que melhorar o prototipo.
As mais pequechas também experimentárom com milho inteiro na mesa de misturas e com milho moido num lenço preto e alguns tapetes que a Marga argalhou para nós.
Ai, a doutora Peteiro! A pobre nom se aclarava mui bem com os tipos de pássaros que moram polo Sarela. Menos mal que já levamos um ano aqui e temos visto de todo: paporruivos, lavandeiras, pombos e pombas, rulas, ferreirinhos, chascas… A doutora nom parava de tomar apontamentos! Bom, afinal há ficar um livro bem jeitoso. De nada, doutora Peteiro! E obrigadas por todo o que nos ensinaste!