Mais que umha escola – Semente Compostela

Sementinhas

As Sementinhas é um espaço de encontro em galego para crianças de 0 a 3 anos. Umha tarde ao mês de 17-19h na Semente das Moas, as meninhas e meninhos podem brincar e participar de atividades que favorecem o seu desenvolvimento num ambiente de respeito, fomento e amor pola nossa língua e cultura.

Babás

“Às vezes as maes e pais precisamos de pessoas de confiança para atender as nossas filhas e fillos quando nós nom podemos.”
Por este motivo nasce BABÁS- rede de cuidadoras galego-falantes, para que as nossas crianças estejam com pessoas com quem ficamos tranquilas, com quem sabemos que hám de estar bem cuidadas e que lhes vam falar sempre em galego, a sua língua materna.

Comissom de atividades e material

Dentro do projeto pedagógico da Semente, inclui-se a recuperaçom do calendário festivo tradicional. As festas tradicionais som uma expressom da cultura dum povo que nos permitem manter vivas as nossas raízes e nos ajudam a entender de onde vimos.
Desde a Semente propomo-nos revitalizar estas festividades, com uma série de acçons de recuperaçom e dinamizaçom abertas a toda a vizinhança.
Nos últimos anos, emprendemos a celebraçom duma série de festividades próprias do calendário festivo em espaços públicos de Compostela, com participaçom dum público familiar que vai em aumento a cada ediçom.
Estas celebraçons incluem:
A ruada do Apalpador em dezembro,
O entroido em fevereiro,
A festa dos maios,
A recolhida das ervas de Sam Jóam e da água das sete fontes.
Como também a celebraçom de outro tipo de atividades, como jantares, eventos… e a elaboraçom de diverso material para a venda.