Já vai lá um mês desde que este 2017-18 começava a andar, e nós com el.
Umha cheia de novidades aguardavam, pois à par que acolhíamos as novas amigas – Iris, Mateo e Xandre – também nos lembrávamos das amigas que já nom estám – Celso e Ona. Botamos-vos de menos e aguardamos ansiosas as vossas visitas!!!
Na sala agora há um recanto em que há médicas, enfermeiros e o que faga falta para curar as amiguinhas quando estám doentes:
E, ao sair ao quintal, grandíssima surpresa!!! Já temos galinhas… Txicaleta que veu da Torreira passar o verao e ficou connosco e outra que de primeiras nom tinha nome mas que depois decidimos chamar Pirula. Agora quando saímos fora sempre temos que lembrar-nos de cuidá-las…
E como a Chicaleta e a Pirula parecem nom gostar muito das verças, descobrimos as chips de verça que estám muito boas… Que lambonzinhas somos!!!
Sorte que também gostamos muito de cozinhar e já nos estreamos fazendo umhas bolachas de outono com forma de folha e uva que estavam… para chupar os dedos!!!
Polo demais aló imos, passeninhamente mas sem pausa. Com a chegada do outono figemos a colheita do milho, das cabaças e também saímos à procura de castanhas… para fazer um magostinho pequeno na escolinha!!!
E com o cair das folhas estivemos a pensar o quê podíamos fazer e tomamos umha decisom mui importante: pô-las a secar para aprender muito delas: de que árvore som, como som… e nessas andamos. Aguardamos mostrar-vos mais para a frente os resultados do nosso trabalho.
Embora nom sejamos mui grandes, sabemos o que acontece ao nosso redor e os incêndios na Galiza nom fôrom alheios a nós. Falamos muito e dixemos LUMES, NUNCA MAIS!!!
Para acabar dizemos-vos que já temos a primeira família que se animou a vir pola escolinha. Foi a família da Yara, que nos trouxo umha instalaçom com caixas, teias e coxins de que gostamos umha cheia. Obrigadas!!!
E parabenizar de novo o Simom e a Lea, que estám a crescer… Até a próxima!!
![1](http://compostela.semente.gal/wp-content/uploads/2017/10/1.jpg)
![2](http://compostela.semente.gal/wp-content/uploads/2017/10/2.jpg)
![6](http://compostela.semente.gal/wp-content/uploads/2017/10/6.jpg)
![4](http://compostela.semente.gal/wp-content/uploads/2017/10/4.jpg)
![5](http://compostela.semente.gal/wp-content/uploads/2017/10/5.jpg)
![8](http://compostela.semente.gal/wp-content/uploads/2017/10/8.jpg)
![7](http://compostela.semente.gal/wp-content/uploads/2017/10/7.jpg)
![11](http://compostela.semente.gal/wp-content/uploads/2017/10/11.jpg)
![9](http://compostela.semente.gal/wp-content/uploads/2017/10/9.jpg)
![10](http://compostela.semente.gal/wp-content/uploads/2017/10/10.jpg)
![13](http://compostela.semente.gal/wp-content/uploads/2017/10/13.jpg)
![12](http://compostela.semente.gal/wp-content/uploads/2017/10/12.jpg)
![14](http://compostela.semente.gal/wp-content/uploads/2017/10/14.jpg)
![18](http://compostela.semente.gal/wp-content/uploads/2017/10/18.jpg)
![15](http://compostela.semente.gal/wp-content/uploads/2017/10/15.jpg)
![16](http://compostela.semente.gal/wp-content/uploads/2017/10/16.jpg)
![17](http://compostela.semente.gal/wp-content/uploads/2017/10/17.jpg)
![21](http://compostela.semente.gal/wp-content/uploads/2017/10/21.jpg)
![19](http://compostela.semente.gal/wp-content/uploads/2017/10/19.jpg)
![20](http://compostela.semente.gal/wp-content/uploads/2017/10/20.jpg)