Si, era umha boa ideia inicial, interessante, com muitas possibilidades de trabalho, motivante e sobretodo que partiu do grupo. Assi que trabalharemos arredor dos BICHOS. Há muitas cousas que podemos aprender dos bichos e a cada passo que damos aparecem muitas cousas mais. É o que tem, quantas mais cousas descobres, também descobres o pouco que sabes delas.
Há muito tempo que nom vos contamos, e muito tempo dá para muitas cousas:
Muitos dos bichos tenhem asas, e mesmo tenhem dous pares, ou tenhem umhas de proteçom e outras para voar… Figemos um experimento para descobrirmos que a eletricidade estática que geramos ao esfregar um balom com a roupa pode mover as asas das nossas borboletas!
A maioria dos bichos som ovíparos, que ponhem ovos, que as maes nom lhes dam teta às filhas/os… e figemos jogos para entendê-lo bem e mesmo outro experimento com um ovo que metemos em vinagre para virar numha bola saltitona.
Também sabemos que há muitos bichos que se transformam ao longo da sua vida, isso é a metamorfose, e construímos um casulo para um verme que se transformava em borboleta.
Um dia passeando encontramos um bugalho dum carvalho e investigando descobrimos que é um mecanismo de proteçom da árvore contra a posta de ovos dum bicho, normalmente umha vespa. Recolhemo-lo e temos um metido num frasco aguardando a que saia. Esta também se transforma de verme a vespa!!!
Há umha cheia de bichos que vivem nas árvores e para demostrá-lo Bruno achegou-nos umha porçom de pinheiro. Contamos os anéis e tinha 53 anos! É interessantíssimo!
Entre todas desenhamos um mural que tem umhas pedras que se podem levantar. Aí vamos colando os desenhos dos bichos que descobrimos nas saídas ao monte; e claro para isso precisamos um caderno de campo que levamos sempre pendurado no pescoço e umhas lupas.
Também continuamos com os temas do ciclo do ano como o Magusto ou o Samaim e o trabalho por recantos.
As saídas ao rio som indispensáveis e continuamos também com o bom costume de ligar regularmente às nossas colegas de Salvadas polo Skype para contar-lhes as novidades.
Ah! e figemos umha máquina de somar que dá muito jogo.
até já!