CURSOS DA SEMENTE PARA CRIANÇAS DE 2-12 ANOS PARA O 2016-17
Semente é uma inciativa social sem ánimo de lucro, que pretende conformar junto com outros projetos semelhantes a criaçom da Escola Nacional Galega. Sustenta-se a partir do trabalho, activismo e achegas económicas das familias que participan nel, das socias colaboradas e de outras achegas económicas pontuais de pessoas que acreditam neste espaço transformador. Os cursos, além de serem um lugar de convívio e aprendizagem som umha ajuda económica para manter o projeto, por isto pedimos o teu compromisso na hora de fazer o pagamento no início de cada trimestre.
Sem matrícula.
Desconto de 2 euros no preço do cursos para pessoas associadas a Semente ou a Gentalha ou que frequentem mais dum curso.
Com inscriçom prévia em info@compostela.semente.gal, até o 29 de setembro. Indicar nome da nena, idade, telefone e se sodes sócias da Gentalha ou da Semente.
* Teatro. segundas feiras (luns) das 16h30 ás 17h30 para crianças de 3-12 anos na Gentalha do Pichel na Rúa do Espíritu Santo nº 21 en Compostela. Número mínimo de participantes: 8, e máximo: 15. Preço 18/16 euros . Começa o dia 10 de outubro “O teatro como laboratorio”, esta será a premissa na que se baseia o presente obradoiro que lecionará Cristina Collazo, sendo um experimento individual e coletivo que potenciará as faculdades físicas, intelectuais e criativas das crianças , trabalhando com a expressom corporal, a voz e o ritmo. Trataremos o espaço e o tempo próprios , o seu relacionamento com o grupo, recreando situaçons passadas e futuras para alcançar a “presentidade”. Leremos textos de autores e autoras galeg@s; criaremos e manipularemos objetos dotando-os de vida, contando e cantando com eles e um grande etc de atividades.… Além de ser umha atividade de entretimento e prazer para as crianças, o obradoiro tem como propósito fomentar a criatividade, as habilidades comunicativas e a consolidaçom dumha visom crítica da arte. * Música tradicional. segundas feiras (luns) das 17h30 às 18h30 a partir de 3 anos de idade na Gentalha do Pichel na Rúa do Espíritu Santo nº 21 en Compostela. Número mínimo de participantes: 8 e máximo: 15. Preço 18/16 euros. Começa em 10 de outubro.Este curso nasce com a intençom de sensibilizar as crianças com a música tradicional desde umha perspetiva lúdica. Criaremos um espaço sonoro onde poder conhecer e desenvolver as capacidades musicais inatas que com o passar do tempo vamos perdendo. Um espaço sonoro onde nenas e nenos se relacionem e aprenda os diferentes aspetos desta linguagem artística, empregando e pondo em valor a nossa música patrimonial. O curso será lecionado por María Blanco, mestra, especialidade em educaçom musical, e mestra de violino tradicional.
* Dança tradicional terças feiras (martes) das 16h30 às 17h30 para crianças de 3 a 5 anos, e de 17h30 a 18h30 para crianças de 6 e 7 anos na Gentalha do Pichel, na Rúa do Espíritu Santo nº 21 en Compostela. Número máximo de participantes: 14. Preço 18/16 euros. Começa a 4 de outubro..Neste curso as crianças aprenderám dança tradicional de maneira lúdica, gerando novas formas coreográficas adaptadas às possibilidades do grupo em funçom da idade, e sem deformar o seu estilo original. Para isto, trabalharám-se as diferentes melodias, ritmos e as coreografias próprias da música galega com perspetiva de género, a expressom corporal ou a orientaçom espacial a respeito do próprio corpo e o das e dos demais. A dança, o movimento e o gesto utilizarám-se como recursos para expressar e comunicar emoçons, mensagens singelas e como forma de relaçom social. Além disto, neste obradoiro, o baile e a dança serám o pretexto para trabalhar alguns aspetos das diferentes áreas do currículo: matemática, línguas, conhecimento, ciências socias e naturais e educaçom artística. Marta Otero, mestra especialista em educaçom musical, monitora de tempo livre e bailadora tradicional.
