Umha Festa – Inauguraçom polo novo curso da Semente de Compostela e lançamento dos cursos para crianças
O vindeiro 18 de setembro terá lugar a festa de inauguraçom do espaço educativo da Semente da Torreira, onde se apresentarám os cursos para crianças do curso 2015-2016.
Este curso é especial para as Escolas de Ensino Galego Semente. Ademais de abrirem as portas os centros de Vigo e Trasancos, Semente Compostela abre umha segunda escolinha, a Semente da Torreira.
Semente é um projeto educativo de imersom linguística . Sustenta-se no ativismo e achegas económicas das familias que participan nel, das sócias colaboradoras e de aportaçóns de persoas que crem neste espaço transformador.
Já somos quase 40 famílias, 4 educadoras e muitas persoas fazendo autogestiom e colaborando com este projeto comunitário que cresce com a energia coletiva dumha rede social que apoia o ensino em galego, um ensino de qualidade, e um modelo de imersom lingüística que neste começo de curso acolhe quase 40 crianças galego-falantes, mais galego-falantes, mais castelám-falantes, castelám-falantes, e crianças que também utilizam familiarmente outras línguas, como o catalã, o euskera ou o inglês.
Estamos mui contentas e por isso, despois do duro trabalho para habilitar a segunda escola em Compostela, queremos fazer umha festa e convidar-vos a passar com nós umha tarde de emoçons e divertimento.
Na Festa da Semente participarám o actor Miguel Guido, As Regueifeiras da Torreira, o projeto educativo de tempo livre Sete-portas/ALTAIR Compostela, ademais de mais e pais e ativistas da Semente.
Nesta festa apresentaremos os CURSOS EXTRAESCOLARES DA SEMENTE DO CURSO 2015-2016, abertas às crianças da contorna.
Os cursos ofertados som:
Aula ecológica, por Sandra Vázquez, da cooperativa Educultoras.
Dança tradicional, com Marta Otero.
Música tradicional, com Xacobe Varela e Marta Otero
Enredando com a comida, com Ursia Gago
Circo, impartido por Natalia Outeiro, colaboradora de Circonove.
Teatro, com a actriz Ursia Gago
Contos ilustrados, por Soninha García, da Cooperativa Cultural 7H
EmocionArte, com Paulinha Louzao, da cooperativa Educultoras.
CativArte, com por Mirari Urruzola, da compañía Teatro Babaluva
Inglês, com por Xacobe Varela.
