A Semente é um centro de ensino onde todas as atividades som desenvolvidas na língua do nosso povo, favorecendo a aquisiçom, conservaçom, cuidado e consolidaçom da mesma. Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu carácter internacional; criando um espaço de interculturalidade formentará-se a importáncia do respeito a outras culturas que vivem no nosso país.
Com os cursos monográficos queremos achegar às crianças e famílias estes mesmos valores, trabalhando com umha focagem didática e lúdica mas também assemblear, e é por isso que no primeiro dia das aulas teremos um espaço para partilharmos dúvidas, ideias e sugestons entre participantes, professoras e Semente.
Dúvidas e inscriçons em cursosementecompostela@gmail.Relacionando a aprendizagem do inglês com áreas educativas puramente lúdicas como a música, as cançons, os bailes e os jogos, as crianças adquirirám conhecimentos dum jeito inovador, criativo e natural com o objectivo de aprenderem esta língua sem grande esforço e de jeito divertido.
CURSO DE TEATRO PARA CRIANÇAS de 3 a 6 anos.
5ª Feiras de 17h a 18h30. Começo 6 de Novembro. (Duraçom de três meses).
Preço: 15€/mês (12€ sócias, colaboradoras, irmás ou desempregadas) Com Úrsia Gago, filóloga e actriz. Com o jogo como ponto de partida o teatro permite-nos experimentar as diferentes canles expressivas e comunicativas, estimulando a criatividade, a cooperaçom, a sensibilidade, o trabalho em grupo e o divertimento. Com o fim de conseguir estes objectivos, proporám-se exercícios de expressom corporal que ajudem a desenvolver a consciência do corpo, o espaço, o ritmo, a respiraçom e a relaxaçom. Também exercícios de expressom oral em que a criança experimente com jogos vocais, desenvolva as suas potencialidades comunicativas e imaginativas inventando histórias ou recriando cenas criadas polo grupo. A observaçom e a análisse da realidade formam parte deste processo. O jogo teatral permite que a criança de modo lúdico desenvolva a sua capacidade de adaptaçom e integraçom. DANÇA E BAILE TRADICIONAL 2ª Feiras de 18h a 19h. Começo 3 de Novembro. (Duraçom de três meses com possibilidade de continuaçom -curso anual-). Preço: 18€/mês (15€ sócias, colaboradoras, irmás ou desempregadas) Minimo de participantes: 10 crianças Com Marta Otero, licenciada em magistério na especialidade de Educaçom Musical; bailadora tradicional e monitora de tempo livre.Marta achegará às crianças (de 3 a 6 anos) e às suas familias* umha forma inovadora e criativa de aprender a Dança e o Baile Tradicional, fusionando a tradiçom com a modernidade. Aliás, neste obradoiro o baile e a dança serám o pretexto para trabalhar áreas do conhecimento do curriculo escolar: matemática, línguas, ciências sociais, ciencias naturais ou educaçom artística. A dança quer converter-se, neste obradoiro, numha forma de comunicaçom e expressom corporal própria, polo que a sua aprendizagem partirá da perspectiva da educaçom sócio-afetiva, da educaçom em valores e do trabalho cooperativo.
*Para as maes e pais que quigerem, fará-se umha sessom mensal aberta à sua participaçom.
OBRADOIRO DE MASSAGEM PARA BEBÉSSábados 8, 15, 22 e 29 de Novembro e 13 de Dezembro, de 11h a 13h.
Curso que se fará com 8 bebés.
Preço: 100 euros/família (90€ sócias, colaboradoras, irmás ou desempregadas). Convidamos todas as pessoas interessadas a participarem na 1ª sessom do obradoiro, sem compromisso mas com inscriçom, no dia 8 de Novembro. Com Belén Piñeiro Álvarez, Pedagoga e Educadora de Massagem Infantil O Objectivo deste monográfico é promover o desenvolvimento integral através do tacto e da comunicaçom, fornecendo vínculos afetivos entre bebés e as suas maes, pais e pessoas cuidadoras, avivando a atençom às necessidades das crianças, favorecendo umha melhor qualidade de vida dos novos bebés e das suas maes, pais e coidadoras. As pessoas assistentes começarám umha experiência em que se tratará: teoria e prática da massagem; relaxaçom polo tacto; técnicas específicas para aliviar cólicos, gases, congestons, estrenhimento, etc; O choro; a massagem nas diferentes idades; todos aqueles temas que puderem surgir ao longo da experiência do obradoiro a partir das necessidades e situaçom do grupo.