De quando o Meco bateu à porta da Semente…

  Pois sim, umha sexta a meio da manhá ouvimos alguém bater à porta da Semente e lá fomos todas ver quem era. A nossa surpresa foi maiúscula quando vimos o Meco, que vinha avisar-nos de que chegara o tempo do Entruido Mas  é que o Meco também trazia umha cheia de encomendas – a cada qual mais original – que nos foi fazendo ao longo da seguinte semana, que se algo para a cabeça, que se umha gravata, que se uns sapatos originais… De jeito que nos finais da semana tínhamos todo o necessário para nos disfarçar-nos… Mas a semana do Entruido ainda nos trouxo muitas mais surpresas… e da mao dumha mamá do grupo das Sementinhas preparamos e degustamos doces típicos destas festas como as orelhas e as filhós. Sobra dizer que estavam mui mui boas…   E j É já  para acabar e antes de sair de férias, estivérom connosco Vero Rilo e Santi Pietro que vinhérom para contar-nos o conto de Vicentinho acompanhado polas notas musicais da guitarra e o acordeom… Obrigadíssimas a todas por fazer que a semana do Entruido fosse tam especial! E isto é todo por hoje… En vindouras crónicas contaremos-vos do nosso traballo na horta…