Os primeiros dias de Semente!

O trabalho de familiarizaçom nom acabou mas vai adiantando; a cada pouco já nos conhecemos melhor todas e a Semente é como a nossa segunda casa. Nesta semana chegou Pichelinho! já estabamos preocupadas porque nom aparecera mas tinha motivos: Nas férias conheceu muitas amigas e umha delas veu com ele… mas é umha boneca “em branco” que tivemos que ajudar e pintar-lhe todas as partes do corpo entre todas. Teremos que dar-lhe um nome! Também nos trouxo umha máquina que viaja no tempo. Desta vez levou-nos ao passado. E tam passado que nos levou a há muitos, muitos, muitos, muitos, muitíiiiiiiissimos anos. À pré-história! E entre todas as mais velhas andamos a juntar informaçom que temos na casa para aprendermos quantas mais cousas melhor daquela época, como é que viviam, quê comiam, quê animais existiam… Nom  esquecemos que chegou o outono e com ele as folhas que caem das árvores. Figemos umhas árvores calcando duas maos e ficárom bem bonitas!   Tivemos a primeira visita dumha família da Semente a partilhar connosco umha jornada e achegar-nos umha actividade. Foi a família do Martinho, com quem figemos ums comedoiros para páxaros, agora que com o mau tempo tenhem menos comida; figemo-los com pinhas, manteiga de amendoim e alpiste. Também nos mostrárom os cantos dos páxaros que temos no mural da horta. Foi mui divertido!     E também levamos umha surpresa bem agradável pois as nossas colegas palhassas/os do País Basco, Pirritx eta Porrotx, eta Marimotos enviárom-nos um filme grande com todas as aventuras que viveram connosco! Lembrades o trailer? http://youtu.be/jqKq7I_TfbQ