Olá! Muito trabalhamos nestas duas semanas! Continuamos a falar do mel e dos animais que o elaboram. Figemos umhas flores bem lindas e umhas abelhas com rolos de cartóm. E entre todas e todos elaboramos umha história que valeu de guióm para representarmos umha funçom de monicreques que gravamos em vídeo! Somos artistas de primeira! Aqui está:   Chegou o tempo típico do outono: chove e corre muito o vento. Assi que ideiamos um anemómetro para poder medir a força do vento e ser conscientes da sua energia reutilizando uns rolos de papel higiénico e umha garrafa de zumo.  Tamém continuamos a decorar as aulas Gentalha e Pichel com folhas em forma de coraçom e mais folhas no mural da árvore de mans.  Figemos um jogo de expresom corporal sobre o outono que consistiu em que o educador ia contando um conto sobre umhas folhas que voavam e iam encontrando-se com aventuras e as crianças tinham que fazer o mesmo que essas folhas.  Nom nos esquecemos da horta aínda que esteja tan mal tempo, e tivemos que debulhar as espigas para que nom apodreza o milho.  Ao outro dia fomos fazer umha caminhada polo rio na procura dum castanheiro mas nom demos chegado porque o Aldán ficou durmido: demasiadas emoçóns logo de celebrar o seu segundo aniversário!  Na outra semana o Pichelinho falou-nos da vendima e em assembleia falamos do que sabiamos sobre isso. E bem de cousas forom as que nos vinherom á cabeça logo de ouvir umha cançom sobre a vendima do disco “13 lúas”!  Elaboramos uns ácios desenhando com ceras e logo utilizamos rolhas de garrafa de vinho para estampar círculos a imitar as uvas e calcamos as folhas da vinha para decorar a aula.   Outro dia pissamos as uvas como se fazia antes, há muitos anos. Porque agora existem umhas máquinas que o fam por nós. Estava bem bom o zumo! Tamén figemos um comedeiro com pinhas para os nossos paxaros… Bem, realmente o que figemos foi encher de comida os que já pugeramos o ano passado a ver se nos visita o nosso amigo o ferreirinho.   E conhecemos a cançom do outono: http://www.youtube.com/watch?v=Z_4gW6Bjt5s E figemos um jogo de lógica matemática mui divertido!   A sexta tivemos umha sorpresa mui, mui, mui, mui grande! O Pichelinho achegou-nos umha carta na que a sua amiga Pippi Meias Altas lhe pedia ajuda ás crianças da Semente porque fora présa por um pirata! Foi umha aventura emocionantíssima!   Telefonamos ao pai de Pippi, Efraín Langstrumpf, com quem falamos com muito respeito… e seguimos umhas indicaçóns que nos levarom a um tesouro bem lindo, com pedras mágicas e moedas de chocolate. Foi umha atividade especialmente pensada para estimular o uso da nossa língua polas crianças que nom a tenhem como língua habitual.  
On